訂枱

本身無乜人會打本小姐的手電，但常常有冒失鬼打錯電話比我，有時收到來訂枱的電話，有時收到賓賓打比鄉里的電話，有時是講極都唔知自己搭錯綫的電話．．．．以前的我會表示出好不耐煩的語氣回應對方，宜家就睇心情，對把聲好聽又有禮貌的來電，回應會好一點。

我個電話號碼確係幾靚，從來都無o林過轉號碼，但係因為我個靚電話號碼同某酒家的訂枱號碼只欠兩個字，所以時常都係收到打去嗰間酒樓的訂枱電話。有時想真的幫佢訂枱，不過我驚那間酒家會報仇，所以未試過，可能下次試下。

有時罵完人家打錯電話，過後我都好後悔，覺得人地又不是殺你全家，打錯便打錯。今天，我又收到一個這樣的電話，開頭我十分有耐性地話打錯了，但是轉頭那個人又打嚟，點解？？？！！！！