星期六一早起身賭癮發作，專登去澳門威尼斯人渡假村酒店blue frog藍蛙，食早餐。8:00am坐車出去信德換船票，9:30am上船，11:00am已到渡假村酒店。
點解要去這裡食？事關我美美超人想食熱香餅，上次路過見到佢地張Poster啲熱香餅影得好靚，好似好好食咁，所以專登一早入嚟食～但已過11:00am應該冇早餐食，點知鬼佬有一種叫什麼早餐加午餐，英文為Breakfast+Lunch＝Brunch的東東。
我叫了一個有熱香餅食的Brunch，果然高檔，一個Brunch要舊幾水，$115！哈哈就叫了他最愛食的炸鷄中翼大家一齊食。個炸鷄翼要$65，有10隻，昂貴的鷄中翼上枱，好味，炸得剛剛好，香得來唔會太乾。
呢間酒吧請啲人唔知是那一國人，是葡人嗎又好樣不是，可能是印尼人或菲律賓人，全部只講半鹽淡英文，只有盡量talk talk，全部總額$202，但真是好食，有機會要同哈哈再到此一遊！
金碧煇煌～
下次嚟搬座金山走！！！
今日公司飯堂食焗雞腿或煎鎗魚，啲焗雞肶腥到阿媽都唔認得，條鎗魚仲細條過啲比貓食嘅貓魚。
聽聞李嘉誠平日好喜歡食貓魚，貪佢比啲大龍躉含鉛量少，無咁易食死。咁又係，李生咁多身家，食魚食死好唔抵。但係我地一介草民，都是較愛吃大條啲的魚，例如香煎紅衫魚，清蒸鯉魚咁，公司不用擔心我地會食魚食死，食得多唔新鮮又好多雪櫃味的肉，才令我怕怕！！
講開新鮮肉食，我想讚一讚黃毓民間毓民牛肉麵啲嘢好食。個日我同我Boyfriend哈哈尊誠走去幫襯，一食之下唔停得口。當日毓民咁啱來舖頭座陣，我地仲同佢握手，得到佢熱情的招待，我地都覺得好開心，仲同佢影相添！！
毓民牛肉麵的食物有媽媽的味道，我地食咗黑豉油雞翼，魯水豬耳等。生腸你一定要吃，為什麼？因為佢地的食物十分新鮮，生腸是冷食的，只覺得清新爽脆，白雪雪，無色素。
新鮮的食材一定好吃，好多時一味餸好吃與否，除了師傅的手勢好之外，食物新鮮尤為重要。我公司飯堂的菜單寫得好靚，什麼青瓜船（只有青瓜都可以叫船，咁壽司船叫咩？），日式牛柳，香煎鎗魚咁．．．．唔好食，寫到個名天花龍鳳都無用。公司飯堂是員工褔利，唔食都已扣了我地啲錢，煮得太差會影响生產力啊！
我和HaHa一起玩部落格crossover ,一同post同一個Topic，各自發揮，這一次合作簡稱(H&M)
近來在台灣節目『我愛黑澀會』2008-07-03 有集叫『美眉泰國集樂行』，講黑澀會美眉同泰國人妖沙灘鬥靚，令身為女人的我十分自『悲』。點解啲人妖仲女人過我o架？嗰集黑澀會裏面美若天仙的人妖"美女"原來都不是最靚的人妖！你知道嗎？泰國有個叫Miss Tiffany的人妖皇后比賽，在節目中的人妖原來只可以入到前50名，但已經靚到Dum一聲啦！
你可能會問點解啲人妖可以咁靚，我聽過一種說法話這完全是因為傳統上人類男性要肩負的責任比女性大，擁有的求生能力也要比女性強，才可以生存，所要在遺傳基因上要發展得比女性更完美，才可以吸引到伴侶及有足夠能力傳宗接代。這即是假設，在基因上如果男性有偏向女性特徵發展的可能，男性將會比女人發育得更健美。怪不得我見過好多女仔的樣子如果像爸爸的，都可能會高啲同靚啲，像媽媽的，輪廓就反而無咁特出了！
而更重要的一點，是呢啲美麗的陰陽人未變性時，自小已經把女性荷爾蒙藥當飯吃！作用是在於抑制男性生殖器官的發育，促進體內新陳代謝，並向女性發展。一般有十多年的服藥期。十多年後，男性生理特徵便逐漸萎縮，皮膚變得細潤，有光澤，臀部、胸部會越變發達，像女性一樣，肌肉減少，皮下脂肪增多，皮膚富於彈性，胸部加快『增長』，比普通女性還高聳、渾圓、挺拔。你話佢地有什麼可能唔會比妳我都『靚女』呀？
近年有個來自泰國的人妖美得在互聯網造成一場騷動，他的名字叫Poy，泰國人，17歲變性，在泰國享有極高的人氣。2004年她19歲時贏得了Miss Tiffany的頭銜後，在泰國為某瘦身產品做代言人，拍攝了一組性感照片，在東南亞一些國家裏各個熱點論上廣泛流傳，人氣急升，引起大量網友的激烈討論。
2004年Miss Tiffany – Poy的相：
Poy個人簡介
全名 : Treechada Marnyaporn
昵稱 : Poy
身高 : 171 cm
體重 : 48 kg
三圍: 33 – 24 – 36
職業:演員,歌手,模特
得過獎項 :
Miss Tiffany 2004
Miss International Queen 2004
2004年Miss Tiffany – Poy的寫真：
2004年Miss Tiffany – Poy的MV《Mai Chai Poo Chai》
