鉛筆

想當年小時候的我都幾得戚的，可以用意氣風發來形容小學時代的我，因為畫得一手好畫，成日被老師點名參加畫畫比賽，現在對小時了了大未必佳這個道理是好明白的..........＞0＜"

我想如果第時有米，我一定會去法國巴黎的街頭遊學做畫家。我成日想，如果我係外國長大，一定會被當成天材兒童。大家可能唔相信，我小學已畫得一手好素描，連老師都爭着叫我幫佢畫人像，不過個美術老師是低能的，佢叫我用HB鉛筆畫畫要畫到好似佢個Friend用碳筆畫畫咁一樣咁深色，阿姐我個支唔係軟的234B鉛筆而係寫功課的鉛筆，我比佢驚嚇多過似學畫！

大家知唔知道呢個世界有許多鉛筆，特別是藝術家所使用的，都被標上了歐洲體系的刻度，H為硬度，B為黑度，F為 fine point。標準的書寫鉛筆是HB，然而，為了在紙上產生不同的視覺效果，藝術家所使用的鉛筆的變化範圍較廣。


9H 8H 7H 6H 5H 4H 3H 2H H F HB B 2B 3B 4B 5B 6B 7B 8B 9B

硬 →→→→→→→→→→→ 中等 →→→→→→→→→→→ 軟

我當時太細個唔知我嗰支鉛筆點畫都唔會深色到好似碳筆咁深色，比佢老點咗，大家如果有細路，都係唔好旨意哂啲老師，好多常識嘢都係自己教穩陣啲～