情人節睇戲

上個情人節，我走了去睇期待以久的家有囍事２００９，套戲揾咗搞笑老手吳君如擔戲。雖然君如搞笑能力達痴線程度，但係都幫唔到部戲，啲戲揾嚟做嘅多。不知是否導演想保留一點個人風格，定劇本想照顧其他市場，風格同以往的家有囍事有啲唔同。全套戲想表達”愛情來到時就好似天旋地轉”呢句Message，你估導演點表達呢？就係多場演員『突然』自轉３６０度跳舞和吳君如的”邊唱邊跳”Singing in the Rain．．．．

戲中有多場重演歷來家有囍事的笑戲橋段，傳聞本來想叫周星星返來做的，不過請唔起請咗古仔做，古仔真係好靚仔，但係要佢做周星星就真係攞佢嚟搞．．．戲中有二個我未見過及講普通話的年青女演員，唔係香港人，好清新，不過唔啱拍笑片。我覺得成本唔係問題，請唔起大明星，可以係劇本到就，夾硬要帶啲什麼愛情風格入戲入面，成件事便已經唔係家有囍事了。我個人覺得古仔個角色可以同鄭中基個細佬角色倒轉會好啲，不過可能古仔個角色佔戲重啲，唔可以咁調．．．

睇返黃百明，還是那麼親切同洽如其份，黃百明同君如一對順眼過古仔同君如一對多好多．．．黃百明也老了不少．．．

不過香港電影事業還是有救的，香港人始終愛港產片，大家餓戲太耐，只要唔太差的戲還是可以騙到我地入場，我尾場時還聽到一些十四、五歲的係生仔話好睇，新一代未睇過以前啲戲，睇呢啲片已經滿足，不過對我地呢啲老餅，就覺得同以前差之甚遠了！真懷念以前的精裝追女仔、富貴迫人、超級街頭霸王同『以前的』家有囍事。

演員：黃百鳴、吳君如、古天樂、鄭中基
導演：谷德昭
電影類型：喜劇