水鞋

日日落大雨，真係唔知着乜衫好，我研究過辦公室OL打風黑雨的裝扮大約分三種：

第一種，放棄型，唔着返工衫，短褲加膠鞋

第二種，高跟鞋照着，全套西裙

第三種，牛記笠記，返工先穿回整齊返工衫

我本人就唔係呢三類，我落雨返工的對策是返工衫裙照着，但唔着膠鞋或膠拖鞋但唔想成隻腳都濕淋淋咁返工。我的秘訣是穿回我冬天時穿的長Boot，對，我夏天照着Boot，我呢對Boot不是真皮的，所以唔會入水，而且因為它個款可以襯到返工衫，所以我呢排日日都着Boot返工，可以話無乜點濕腳，只係對腳仔焗啲o姐～

我本來有對粉藍色水鞋，雖然賣幾十元，但是有啲款，仲好少女Feel添～但係，我對水鞋着返工會太Yeah，為了我懶懶熊的性格，我是懶得返工放工再換衫的，所以，着對Boot 返工是最好的！！！

我男友仲搞笑，他穿地盤工人穿的安全鞋返工。這對工地鞋，有三大優點，防風，防雨，防釘等等．．．可以保障在呢兩日天文台咁玩嘢的天氣下穿着。