又打唔成風啦！

位於南海的颱風風神會在未來一兩天向偏北移動，靠近中國東南部 。

預料一股和緩的西南氣流會在本週後期影響華南沿岸地區。大致天晴，有煙霞。明日稍後有一兩陣驟雨。氣溫介乎27至32度。吹和緩偏南風，稍後轉吹偏北風，離岸風勢間中清勁。

又打唔成風啦！(-' 3 '-)

近排天氣不再下傾盆大雨，露出我渴望已久的晴天。可是人就係咁犯賤o架啦！落雨時又話落大雨，現在放晴又覺得熱到人有點頭暈暈天旋地轉。熱到咁一定會打風，不過大家有無留意，自97年後我地好似都無乜試過掛8號風球唔使返工，黑雨都好少．．．．( >0< )

我覺得Donald曾如果要改善香港經濟，應該比香港放多啲颱風假同掛多啲黑雨假。我記得以前8號風球唔使返工返學，香港好多人都會走咗出去飲茶，行街，甚至去海邊睇浪添！好過癮o架！這樣直情有助香港經濟啦！打風的時候，如果無乜雨，天氣涼浸浸，最啱出街行啦，落雨就訓下覺。

我知打風可能會造成破壞或人類生命危險，所以在未有風打過來的時候，我地就應該比人放早一步假，減少傷亡嘛！(我記得上次澳門放早過香港～)

打風放假，有助經濟，你放我放，約埋嚟放！　@ 0 @