天文台玩嘢

天文台係11點15分轉三號，真係勁玩嘢。上網知道原來公營機構，十一點前都未除8號已經唔洗返，天文台十點已經話好快除8號, 點知11點15分先除，擺明益公營機構。

本來上晝唔使返可以睡耐啲的，但是時不時要睇住有線新聞台個8號波落咗未，唔係就要趕返工，搞到無覺好訓。出到街，發覺周地都係吹到訓底哂的垃圾桶同樹枝樹葉。啲風大到把我把遮都吹彎埋．．．

我好多同事都話天文台好賤格，幾個字都唔等埋就改掛3號風球。今日雖然半日市，都要做番哂全的工作！呢半日8號風球假真係唔放好過放攞！

其實成日為咗個股市，香港好多時打風都唔掛8號風球，唔掛黑雨，已經唔係第一o架次啦！香港真係有錢商家佬的世界，我地呢啲打工仔，只可以係橫風橫雨同最多人的時間，飯都唔食，迫住趕返工番公司報到攞！