剪頭髮

近排無乜節目，又無新戲上，我打算今個週未去換回鄉卡，跟住剪頭髮。

今次我想剪周海媚個清爽短髮，但唔知點講。有啲似男仔頭，但又不是太短。

我唔明，可能我個樣生得細，無論我點樣同個髮型師講我一早啉好的髮型，最後個髮型師都會同我剪咗個冬菇妹妹頭出來。

可能你會話無可能，無人監你，無可能求其剪個草菇出嚟嘅！但是我同你講，什麼事都有可能發生的。

記得我上次想剪小S個頭，是一個好貼的短頭髮，但是個髮型師話我啲頭髮唔夠多，剪唔到。我唔知點解，我每次啉好咗的髮型，髮型師都話剪唔到的。最後我通常會話，咁只係修修佢啦。結果，我就變咗IQ博士入面成日話電髮嗰個草菇啦！

我記得細個去髮型鋪，啲屋邨髮型師傅都是在屋邨附近住的大哥哥。我屋企附近嗰個，成日以為我好細，見我銀包多錢，又話我做乜帶咁多錢，所以佢好自然又同我剪個妹妹頭出來。

一來、我唔電髮，二來、我唔漂染頭髮，因為我啲頭髮好似小朋友咁幼～染髮好傷的！所以我其本上上唔上髮型屋，我個頭都唔會有什麼突破。

電髮，電髮，草菇都要電髮，電髮，電髮．．．．．