黑色俄羅斯B口金包仔

星期六的快靚正手作。是一個黑色俄羅斯B口金包仔，塊布我在寶島遠道帶回來的！
見哈哈幫我特意訂的單膠棉到咗，加上早前在SSP買得的皮革線，立刻動手裁布，黃昏開始車，到晚上才開始上個8.5吋口金扣，都有點難度的，不過製成品幾靚又好裝到我啲碎濕濕嘢e.g.Lip Stick,鏡仔,梳仔,保濕蘆薈Gel,凡事林等等等等～

做法:備底面布(含縫份)、單膠棉(不含縫份)、皮革線

(1)Click 上圖放大111%打印出來(有縫份的) (2)面布要先盪上單膠棉,個包包才會好似水餃咁圓鼓鼓 (3)依縫份反面對齊車留位反口 (4)上個口金時要先用線臨時釘咗中間位同兩側再用皮革線用藏針鏠,如果唔係會唔正同易斷線哦~ 　^0^