社會動力

今日我見到一位相熟的朋友，他是外判商，一見到面，當然是話出面好熱啦，報紙都賣話MK有41℃。第二句，我講笑話他抓撈，所以要來我公司行下，佢就話呢排無生意，笑笑口話好傷心。

他話香港經濟有問題，睇開Now333台有位黃冠一對分析香港經濟好o店，叫我聽吓。佢上次睇佢個節目大約是講因為美國大選，所以美國唔比啲經濟冧，經濟回升之前要冧一舖勁先上得番！呢樣嘢我都聽過，未又係益啲基金入貨再出貨攞！

我話香港回歸頭幾年還受惠祖國帶動經濟，現今卻被比大陸的通貨膨脹搞o店緊！

我想話，同美元脫鈎，天荒夜談。叫祖國救，阿爺都可能爆煲！

我嗰位朋友繼續話現在做零售好景，好似十元八塊的果汁，天氣咁熱唔會無人買。

我話就算你今個月揾到，你估業主會唔會唔加你租？你業主唔加你租，你附近會唔會又開多幾間同你爭？

所以我話零售業是表面風光。

有時我都想問點解啲外國人生活好似好悠閒，但都揾到食，我地做到隻狗咁，都唔夠找卡數，唔通我地天生勞碌命？

可能我地物質生活要求太高，浪費開支大，啲錢較唔襟使吧！外國啲人唔會點買衫，我地，尤其港女，週末點會唔買嘢o架？蕭若元話女人是Gatherer,買嘢是天性來的嘛!!

有幾個同事話我好旺我男友，但我又唔覺，我好豪咁話發咗就請佢地食鮑魚，希望佢生生性性，等我可以過到公主一樣的生活！ 

美美公主字