太好笑的笑話一則

其實這個笑話兩句可以講完，不過因為太好笑啦！所以要仔細記底佢。

話說有一日好似打８號波，我一早扭哈米落樓飲茶..............無錯，打風規定要飲茶的。坐低無耐，點心亞姐推出酒樓限量供應的特平蒸飯。是日為臘味煲仔飯，都要十蚊的，以前八蚊食到，加了價。一朝早好餓有咩食咩，如是者哈米被派去同點心亞姐要一盅，點知發現得好細舊臘腸，細到近乎無一樣。哈米忍唔住問（其實唔係真係問）點心亞姐點解臘味飯咁少臘味，冷不防點心亞姐立刻回敬一句＂你　臘　味＂！哈米一時反應唔切，被窒當場～

以免日後再遇上咁嘅情況，一時三刻被窒到，大家應有所準備。看官認為，如果閣下遇到咁嘅情形應作怎樣的回應呢？答：（Ａ）＂你燒味＂好丫？、（Ｂ）＂Ｘ滷味＂ 好丫？，定（Ｃ）＂你雞脾＂好呢？

我覺得＂你燒賣＂都幾ＣＵＴＥ～

至於哈米有冇要到盅飯，答案是有的，因為點心紙已蓋章，有飯就食啦！