老板心理

有時啲老板見到你無嘢搞，好多時都會第一時間比的嘢我地啲下屬做，慌死我地無無聊聊上網打發時間～

有啲老細仲搞笑，自己靜雞雞企係你後面，look over your shoulder睇你搞緊乜！

其實我都好明白啲老細的『苦衷』嘅！香港都有話人外有人，天外有天，每年向公司攞人加人都要問過大老板，唔同組個阿頭見你個組啲人咁閑，一定會嘈你加咁多人做乜。同組啲同事又會嘈你點解佢咁多嘢做，人地咁少嘢做！

本來你認為你老細佢會認為你做到嘢無所謂，但佢又會啉如果佢呢個老細可以見到你上網玩，即其他人都可以見到你上網玩啦！依照依個Logic，啲老細會好驚你係到上網玩嘅！

個市好景就話可以養多啲人，但是宜家個市唔好，老細都會驚無咁多嘢做，要抄人。唔係為咗你，係因為縮咗好難加番～

因此，無論老細是否介意你無嘢搞，都唔好咁明目張膽上網玩Facebook。講真我唔覺得Facebook好玩，我覺得如果有緣嘅，唔使Facebook都可以找到你要找的人。

總括來講，我地上班一族首要學習的是『如何假裝在做嘢』，而唔係學『如何在做嘢』，因為咁快做完啲嘢會無嘢搞要扮做嘢咁就煩喇！