阿伯醫生好嘢！

好多人平日都會有的傷風感冒，時不時都會在轉天氣時發生在我身上。記得在小時候，即使糊亂找個醫生，也可以睇一兩次便好起來，醫生發給我的藥，也是時時亂咁食，即使成日未食哂啲藥，就狂食雪糕同汽水也冇事。但是不知是否現在的病菌強了還是我身體差了，宜家我即使睇好多次醫生，食幾多次抗生素，我啲咳都好難斷尾。

直到我遇到呢個醫師。佢係一位上了年紀的西醫，我同我男友習慣叫佢醫師，一方面因為佢是一個醫生阿伯，一方面是他真的可以睇好我啲傷風感冒咳。

呢個阿伯真係好嘢！之前我去看了四五次後生仔後生女西醫都唔斷尾的咳，一食了他的藥也好了！無他，因為現在新出身的醫生仔都是屬於醫療集團的受薪醫生，用什麼價錢的藥也受到限制，你話佢比的藥有幾好，可想而知。

但是呢位醫師阿伯有一個缺點，亦是優點，就是他是一位已上岸的有錢醫生，平日一天都未必有幾個病人去睇佢，所以佢每次同你睇症都”嘆”好耐。通常睇佢時，都只有佢講，病人只可以答佢問題入面的答案，例如佢問你你係唔係有鼻水，你唔可以講埋有咳，要佢問你時先可以講，講多少少其他嘢都唔得。又因為佢係阿伯，所以佢講嘢講三幅被都未講完，但你又不能打斷佢，有時我起身走到門口，佢都仲有嘢講．．．．．．．．

所以醫師同你睇症會睇得好全面，百幾蚊個症，佢會比啲唔錯嘅藥你。而且因為佢好日唔發市，雖然佢口水多過茶，每次我去到佢間診所都可以即刻睇到醫生，比去其他地方睇仲快咗，這點都算係我呢個醫生的一大優點la！