美美美

個市咁搞到我成日都好眼訓，日日都想眠一眠，可能無做運動，個人血液唔循環，所以會咁。我平日唔多用個腦，但成日將啲嘢諗到好完美好理想，成日以為放工返屋企，大把時間做運動，每次返到屋企又係攤係到唔想昱，好鬼懶．．．．．．

行衰運屋企都有煞，近日我死了一隻小銀狐，我可愛的倉鼠小貝貝～我於是補買一了隻熊仔鼠返屋企養，隻嘢好多表情，好似好有主見。我男朋友最愛同佢玩五十五十，因為佢好愛用隻手擋住接近佢的人，好似同你玩五十五十咁，好趣緻！倉鼠因為身型細小，所以個腦都好細，一般都比較驚青同低低地，而熊仔鼠在倉鼠中都算大隻，所以都叻啲同大隻啲，成100元隻，其他倉鼠二三十蚊就有，都唔使咁貴。我千叮萬囑我男友要小心啲同佢玩，因為熊仔鼠叻啲逃跑能力都高啲，唔見咗要有排揾～我男友同佢改咗個花名叫美美美，我美美本來都唔太鍾意，但聽順咗又覺得都幾啱佢。不過呢幾日隻嘢唔係幾妥，好似就釘！美美美可能未戒奶，佢咁弱可能是因為佢仲係BB仔所以食唔到嘢所致。

有有心人Send了本蘇民峰09運程（電子書版）我睇，我發覺出年還有一年晦運行，真係．．．．．．．．我唔信我美美成世都無運行，我的理由是我成世人都未真正行過好運，所以一定大把好嘢等我下半世享的云云。