死剩種是最強的！

話說上次同大家講過一個屯門神醫阿伯西醫，佢好多口水，有次佢同我講過點解啲人成日話睇西醫都唔斷尾，要轉睇中醫。佢話這是因為現在的細菌比以前的惡得多。

有時，有啲人咳得多，好易會因為敏感咳咳唔停。這個時候，為免造成支氣管炎，一定要用抗生素去打。用強力抗生素可以好快控制病情，但是用抗生素好易造成抗藥性。阿伯醫生話點解啲人開頭食抗生素時好似好番哂，但是後來又番發唔斷尾的呢？他說這完全是因為一些”死剩種”在作怪。

他話因為雖然大部份病菌在服食抗生素後已經死哂，但是還有一些”死剩種”，呢啲未死的菌可以經抗生素治療後都仲未死，證明是那些菌中最強的，是菌中之菌。好多人會因為開頭好似好番哂就唔再食藥或唔返去覆診，咁個啲最強的”死剩種菌”就會在你身體到番發，再嚴重啲就會變種成抗藥性病菌，而要開過另一種抗生素才有效，呢個就是點解啲人成日睇極醫生都唔斷尾的原因！