發癲

看見近日有報導話有位女子懷疑在土瓜灣到處打人，記者跟進的消息話呢個女人其實是一個孝順女，疑因有精神病，數次轉工都被炒魷，又要養年老的媽媽，所以先精神失常。

雖然孝女疑有精神病，但是依其舊同事說她做事認真交帶，同事們都喜歡她，當她妹妹。但是她時常傻笑，試想老版見到個Staff時常傻笑大多數都會想炒咗佢了事，而她又真的每次返工數天都被炒！

唔好話呢個女子因為要恭養年邁的母親，現今好多人都要面對失業的打擊，真係係人都會發癲～

呢幾排見到啲人，都係話心情好灰，日子好難捱，唔知可以捱到幾耐。有位友人話眼見香港人面對失業同經濟嘅壓力，尤其剛年過三十的壯年，在過去十年面對回歸、沙士、金融風暴等等的沖激，當以為捱過一個又一個嘅浪，可以儲啲彈藥的時候，又被人打沉，你話幾咁悲呀！佢話自由行都唔係個個行業受惠，香港宜家好似只係剩番啲大快餐店，大超級市塲可以搵到食，賣焗猪扒飯的居然都入到富豪磅！香港仲有乜嘢行業發展？！！

不過我想講今年係最後一年行水運，出年好似開始行火運，大家出年轉運，有乜嘢難關都唔好死住，好多嘢捱過咗就無事。