天使與魔鬼

呢套戲我係台灣時已經想睇，前日終於睇咗，戲入面開頭帶出羅馬梵蒂岡凡帝岡天主教教廷是一個獨立國，城內設有教廷大部分的國家機關，有自己的教廷國防警察－瑞士衛隊，保安系統組織，法規，甚至教會銀行，梵蒂岡內的人全部忠心於主同教廷，好多甚至是宗教狂熱份子。作為世界六分之一人口的信仰中心，梵蒂岡是全球面積最小、人口最少的國家，但卻是全世界最大的組織！

但是另一面，戲中出現咗好多紅衣主教在參加教宗選舉時煙癮起，個個在教堂門外一人一煙，搞到要係門口安排個紙袋比佢地放下佢地啲煙仔，重有佢地嘅金撈同珠寶介指。戲入面Tom Hanks都話買包煙仔比個瑞士衛隊作為幫佢翻譯啲拉丁文古書的回報，有小小似周星星套國產凌凌七條橋，可見其實神職人員都同普通人一樣，只不過做嘢個間機構叫教廷吧了。

而Tom Hanks係戲入面嗰個符號博士因為件衫沾了血跡，不得已着上神父的制服，啲人個個話出奇的啱身，暗示叫佢入教，但係Tom Hanks死都唔入，點知為咗要得到藏經閣內的一本珍貴書籍以完成著作而接受委任成為代總管，而毫無反對，所以話世事是無絕對，宗教同科學也可以共存，Tom Hanks係戲入面話因為只信科學而不能相信神的存在，其實也可以是一種執迷吧！