家鄉蒸咸雞

谷氨酸納，又名味精，雞本身含有大量的谷氨酸，加上鹽的雞肉，能產生大量的谷氨酸納，難怪我恁鍾意食拜神用的咸雞，美美在網上的菊姐食譜找到一個簡易煮咸雞方法，照着做都有七成似～

轉載：菊姐食譜

家鄉蒸咸雞

材料：新鮮雞脾兩隻，薑一塊，葱一棵。

調味料：[A]鹽兩湯匙。[B]紹興酒一湯匙(米酒亦可)。

做法：[一]雞脾(不用先洗及保留雞皮，去除部份雞油)每隻各用一湯鹽搽勻底面，放雪柜醃兩小時備用。

[二]薑去皮洗淨剁碎，取薑汁一湯匙(薑渣留用)，與酒混合成薑汁酒，葱洗淨掰開兩段待用。

[三]雞脾取出沖洗幾遍至淨抹乾，每隻搽勻薑汁酒放碟中，葱墊底，薑渣置面，隔水中火蒸二十分鐘至熟，(隔去蒸雞汁，加入兩碗熱水煮滾，即成清雞湯，可用作滾湯或灼菜用)原隻或斬件即成。

註：雞的食法多不勝數，蒸咸雞是最簡單的製法之一，選用雞隻最嫩滑的部份，旣美味又可省卻斬雞的麻煩。蒸雞時保留雞皮，令雞肉保持水份更嫩滑，若嫌雞皮肥膩可在食時才去掉。

沾白切雞的葱油

第一種：
1) 薑磨蓉， 切記不要薑汁！(會變黑)襟晒啲薑汁。而且薑切絲一定唔係嗰回事…要用磨蓉器呀！
2) 切葱花加埋落啲薑蓉一齊撈勻佢(鍾意食葱可以切多啲)
3) 整薑蓉最重要嘅秘訣係喺啲薑葱蓉度落幼鹽同雞粉，真係好味好多
4) 最後用鑊燒滾啲油，然後將啲滾油倒落啲薑葱蓉度即成 。
第二種：
1)將薑洗淨切細粒，然後用菜刀嘅刀背"挆"到變薑蓉為止
2)切葱花加埋落啲薑蓉一齊撈勻佢(鍾意食葱可以切多啲)
3)秘訣係幼鹽、小小糖同小小雞粉
4)燒滾油之後倒落啲薑葱蓉度再撈幾吓等啲幼鹽糖雞粉溶咗即可。