玻璃鞋也有太大的時候

Cinderella對destinated玻璃鞋也有太大時候，買鞋買大咗或自己大細腳對鞋唔啱Size，好多人都試過，我美美就成日買錯鞋．．．

我呢排買咗對妹妹返學鞋返工粗着，貪佢老實又好行，我買鞋時加了個好厚的鞋墊一齊買，點鬼知買大咗．．．．

因為呢對鞋是新年前買的，買大咗都要過咗正月先可以再買過，>0<"所以每天都為買咗對大鞋而深深不憤！！

點算？

好彩我靈機一觸，想到個幾好的解決方法，就係用我地平日做小手工常用的不織布。

大家如果唔知什麼叫不織布，可以去文具舖問下就知，好多小學生都會去文具舖買不織布交功課的，你有讀小學的細佬妹可以問佢攞～

要改善過大的鞋，主要是要收窄鞋跟同腳的虛位，加個後跟墊是個方法，不過好多人好似我美美咁買咗好多後跟墊都會覺得唔好用，感到唔穩同厚度唔啱，我想到用軟得嚟夠挺的不織布剪成後跟貼，用雙面膠紙黐在鞋跟內籠。不織布又舒服又唔會粘住對腳，又可以黐多幾塊至適合厚度，對鞋刮腳黐一片薄不織布仲變得唔再刮添。

不織布顏色有多種，你可以就你隻鞋內籠啲顏色同形狀點黐都得，好使好用的是喔！