大大粉紫花布斜揹口金袋已經完成

像一舊雲的口金包．．．．

唔知點解，每次做呢啲手作仔，個人都會好Enjoy ,用科學來解釋，就係我天生對做手作有異常反應，身體的腎上腺素會自動上升，一句講哂Relax~

呢日，製作多時的大大粉紫花布斜揹口金袋終於完成啦！！！

這個袋的紙樣原本是用來整一個好小好小的8.5cm口金包仔的，我將佢放大兩倍咁多造成16.5cm大的口金手袋。現正籌備可能會加一些花花點綴點綴，但又怕太娘．．．．．．． ＞０＜”

設計呢個包包時，我特地買了一條長鐵鏈想將佢造成斜揹袋。其實將一個跟本是用來造小口金包的紙樣，放大做成大口金包，是十分有趣的構思。我發現將口金造成斜揹是幾適合的～＠０＜

手袋縫製的瓶頸位出現在上口金的時候，後尾睇書先知道要在中間同側邊用線暫時固定對位。結果，前前後後竟然縫了四次才能令人滿意～ > 3 <"

今次個包包都有好多內袋 ，一個拉鏈袋可以放銀包，一個開口放手機同紙巾，其實未必會攞嚟用．．．

在台灣，周街都是手作達人。計劃五月去那邊旅遊，順道觀摩下當地的手作文化。

寶島吸收了許多日本的手作技巧同文化，但是風格上又比日本更為親和，而語言上亦較容易溝通吧！

五月，增進手作眼界之旅是也！